ஒரு சிறிய அளவு பகுத்தறிவினால், நீங்கள் செல்ல வேண்டிய பாதையை நீங்களே அறிந்து கொள்ளலாம்; அதன் பிறகு,உங்கள் இலக்கை அடையும் வரை படிப்படியாக அதில் நடந்து செல்ல முடியும். எந்தப் பாதையானாலும் பற்றுதல் துன்பத்தைத் தரும் ; பற்றற்ற நிலை ஆனந்தத்தில் முடியும் என்ற ஞானத்தை தக்க வைத்துக் கொள்ளுங்கள். ஆனால், செயலாற்றுவதிலிருந்து உங்களை நீங்கள் அவ்வளவு சுலபமாக விடுவித்துக் கொள்ள இயலாது; மனம் ஏதாவது ஒன்றைப் பற்றிக் கொண்டு தான் இருக்கும். அதை இறைவனைப் பற்றிக் கொள்ளச் செய்யுங்கள்; அது இறைவனுக்காக எல்லாவற்றையும் செய்யட்டும்; வெற்றி அல்லது தோல்வி, மன எழுச்சி அல்லது மன அழுத்தம் ஆகியவற்றை இறைவன் பால் விட்டு விடட்டும். பின்னர் உங்களுக்கு அமைதி மற்றும் திருப்தியின் ரகசியம் கிடைக்கும். இந்த சரணாகதி மற்றும் அர்ப்பணிப்பான மனப்பாங்கினைப் பெற உங்களுக்கு இறைவன் பால் நம்பிக்கை இருக்க வேண்டும். இறைவன் விளையாடும் அரங்கமே இந்த உலகம். இந்த உலகம் ஒரு வெற்றுக் கனவு அல்ல; இதற்கென்று ஒரு குறிக்கோளும் ,பயனும் உள்ளது. இதன் மூலம் ஒருவர் இறைவனைத் தேடிக்கண்டு கொள்ள முடியும். அவனை ( இறைவனை) இயற்கையின் அழகில், சிறப்பில்,அதன் அமைப்பு மற்றும் மாட்சிமையில் காணுங்கள்.