மனிதனாகப் பிறப்பது என்பது மிகப் பெரிய அதிர்ஷ்டம் வாய்ந்தது. ஒருவரது உண்மை நிலையை உணர்ந்து, தெய்வீக நிலையை அடைவது என்பது மனிதருக்கு மட்டுமே சாத்தியமான ஒன்று. எந்த மிருகமோ அல்லது பறவையோ அந்த உயர்நிலையை அடைய முடியாது. இந்த வாய்ப்பின் மதிப்பை உணர்ந்து அதைப் பயன்படுத்தாமல், அதை இங்கும் அங்குமாக வீணடித்து, ஆன்மீக ஒளியை உணராது ,இறந்து விடுவது மிகவும் சோகமானதாகும். முந்தைய பிறவிகளில் நீங்கள் ஆற்றிய பணிகளின் விளைவாக, நீங்கள் பிறந்திருக்கிறீர்கள். ஆன்மீக விஷயங்களில்,நம்பிக்கையே முன்னேற்றத்திற்கான அடிப்படைத் தேவை என்பதைப் புரிந்து கொள்ளுங்கள். உங்களது நம்பிக்கையை கவனமாகக் கட்டிக் காத்திட வேண்டும். உங்களது பெற்றோர்களை விடவும் நெருங்கிய உறவினனான இறைவனுக்கு இடம் அளியுங்கள். ஒவ்வொரு காற்று வீச்சிலும், உங்களது நம்பிக்கைத் தடுமாறுவதை அனுமதிக்காதீர்கள். பிறர் கூறுவதைக் கேட்டு பாதிக்கப் படாமல், உங்களது சொந்த அனுபவம் என்ற புடமிடும் பாத்திரத்தை உறுதியாகப் பற்றிக் கொண்டு, உங்களது ஆன்மீக சாதனைகளைத் தொடர்ந்து செய்வது உங்கள் கடமையாகும்.