இந்நாளில், உங்களது மனம் எங்கு வேண்டுமானாலும் பறந்து சென்று, இந்த பிரபஞ்சத்தில் உள்ள எல்லா விதமான விஷயங்களிலும் உட்காருகிறது. அழகானவை மற்றும் அசிங்கமானவை ஆகிய இரண்டிலும் உட்காரும் ஈயைப் போல, மனம் ஒரு எண்ணத்திலிருந்து மற்றொன்றுக்குத் தாவிக் கொண்டே இருக்கிறது. ஈயானது நெருப்பில் உட்கார்ந்தால் அழிந்து விடுகிறது. அதைப் போலவே, மனம் இறைவன் பால் நிலை கொண்டால் அழிந்து விடும். உங்கள் மனம் என்பது ஒரே பொருளால் நெய்யப்பட்ட, ஆசைகளின் வடிவமைப்பே என்பதைப் புரிந்து கொள்ளுங்கள். உங்கள் மனதில் ராமன் (ஆண்டவன்) புகுந்து விட்டால், காமன் (ஆசைகள்) ஓடி விடுவான். இந்த நிலை தான் மனதின் அழிவு (மனோ நாஸனம்) அல்லது மனதின் ஸங்கமம் (மனோலயம்) எனப் படுகிறது. நீங்கள் ஒவ்வொருவரும் உங்கள் இதயத்தை பிரசாந்தி நிலயமாக ஆக்கிக் கொள்ள வேண்டும். உங்கள் சொல், செயல் மற்றும் எண்ணங்களை ஆராய்ந்து பாருங்கள். மெதுவாக ஆனால் கண்டிப்பாக, உங்களையும் பிறரையும் பாதிக்கும் தீயனவற்றை விட்டொழியுங்கள். மனோபலத்தையும், திடமான அமைதியையும் வளர்த்துக் கொண்டு எப்போதும் உண்மையை மட்டுமே பேசுங்கள். இந்த மனமாற்றம் இந்தக் கணத்திலிருந்தே, உங்களுள் தொடங்கட்டும்!