ஒருவர் பெறும் பலவிதமான ஞானங்கள்,ஒருவரது ஆன்மீக வளர்ச்சியின் ஏதாவது ஒரு கட்டத்தில், உபயோகமுள்ளதாக அமைகின்றன. ஆனால் அவை எவற்றைக் கொண்டும், ஒருவர் பிறப்பு இறப்பு என்ற வட்டத்திலிருந்து தப்பிக்க முடியாது ! அனுபவ ஞானம் அதாவது நீங்கள் உங்களது சொந்த அனுபவத்திலிருந்து கற்றுக் கொள்வதே உங்களுக்கு முக்தி அளிக்க வல்லது. குரு இந்த விஷயத்தில் ஓரளவு உதவி அளிக்க முடியும், ஆனால், அவரால், உங்களது உண்மை நிலையை உங்களுக்குக் காட்ட முடியாது.நீங்களே தான் அதைக் காண வேண்டும்!இதற்கு ஒருவர் மிகுந்த ஆர்வம் கொண்டிருக்க வேண்டும். இந்த உலகில் மிகச் சிறிய செயலைச் செய்வதற்கும் உண்மையான ஆர்வம் இருக்க வேண்டும் - மனிதரோ, பறவையோ, மிருகமோ, புழுவோ, கிருமியோ- அனைவருக்கும் தங்களது கடமையில் வெல்ல வேண்டும் என்ற தீவிர ஆர்வம் கொண்டவர்களாக இருக்க வேண்டும். செயலில் ஆர்வம் இல்லாவிடில் பலனிருக்காது. மேலும் ஒருவர் பொறாமை என்ற தீய குணங்கள் இன்றி இருக்க வேண்டும்.ஞானத்தில் நம்பிக்கை வைத்து,அதைப் பெறுவதில் பக்தி கொண்டு,அதை அடைவதற்கான பூரண ஆர்வத்துடன் ஒருவர் இருந்தால், அவர் கண்டிப்பாக இறைவனை அடைவார்.