ஒரே சக்தி தான் அனைத்தையும் இயக்குகிறது.இதை உணர்ந்து, அந்த ஒற்றுமையில் ஒன்றரக் கலப்பதே, இந்த மனித வாழ்க்கையின் நோக்கமாகும். இப்பேரின்ப நிலையை அடைவதற்கு புலனின்பங்களின் மீது உள்ள பற்று எனும் விதைகளை அறவே நீக்க வேண்டும். ஒரு வயல் வறண்ட பொட்டல் நிலமாகத் தோன்றலாம்,ஆனால் முதல் மழைச் சாரல், அதை பச்சை வண்ண கம்பளமாக மாற்றிவிடும். மண்ணில் உள்ள புல்லின் விதைகள், ஈரப்பதத்தின் முதல் ஸ்பரிசத்திலேயே முளை விட ஆரம்பித்து விடும். அதைப் போலவே, கவர்ச்சியின் முதல் ஸ்பரிசத்திலேயே புலனின்பங்கள் முளை விடத் தொடங்கி ஆன்மீக முன்னேற்றத்தைத் தடுத்து விடும். ஆன்மீக சாதனைகளை, பொறுப்புணர்வுடன் மனமார்ந்து செய்தல் வேண்டும். அதை ஒரு வெற்று வழக்க நிலைக்குத் தாழ்த்தி விடக் கூடாது. இறைவன் அனைத்தின் உள்ளும் உறைந்து, அனைத்திற்கும் காரணமாக உள்ளான் என்பதை உருவகப் படுத்திக் கொள்வதே பக்தியின் அடையாளம் என்பதைப் புரிந்து கொள்ளுங்கள்.