ஸ்ரீமத் பகவத் கீதையில்,அர்ஜூனன் ஸ்ரீகிருஷ்ணரிடம்,''உன்னை அடைவதனால் கிடைக்கும் பலன்தான் என்ன?'' என்று கேட்கும் போது, ஸ்ரீகிருஷ்ணர் புன்முறுவலுடன், '' அர்ஜூனா! இறைவனுடன் ஒன்றரக் கலப்பதை விடப் பெரிய பலன் என்ன இருக்கிறது? இந்தப் புனித வெற்றி ஒருவரை மஹாத்மாவாக ஆக்குகிறது. உடல் உணர்வில் ஊன்றி, தினமும் சுக துக்கங்களில் அல்லாடும் சாதாரண மனிதர் போலன்றி ,மஹாத்மாக்கள் இந்த இரட்டை அனுபவங்களிலிருந்து விடுபட்டு எப்போதும் ஆனந்தத்தில் திளைத்திருப்பார்கள். அவர்கள் இவற்றிற்கு மேலும், அப்பாற்பட்டும் இருப்பார்கள். அவர்கள் தூய இதயம் கொண்டவர்கள்; அவர்களுக்கு மேற்கொண்டு பிறப்பு, இறப்பு கிடையாது. ஒரு குறிப்பிட்டவர்கள் என்ற நிலையிலிருந்து தங்களை விடுவித்துக் கொண்டு, அவர்கள் எங்கும் நிறைந்தவர்களாக, நிலையானவர்களாக, மாற்றம் அற்றவர்களாக ஆகி விடுகிறார்கள். அவர்கள் மந்தமானவர்களாகவோ, ஆசைகளால் உந்தப் பட்டவர்களாகவோ இருப்பதில்லை.அவர்கள் பற்றுதல் மற்றும் வெறுப்பினால் பாதிக்கப் படுவதில்லை.'' என பதில் அளித்தார்.