" ஜன்மாஷ்டமி'', ரூம, நாம, காலங்களுக்கு அப்பாற்பட்ட பரம்பொருள், உயிருள்ள, அன்பின் வடிவமாக அவதாரம் எடுத்த புனித நாள். தெய்வீகம் ஸ்ரீகிருஷ்ணராகத் தோன்றி, தனது லீலைகள்,விளையாட்டு,பாட்டு மற்றும் இனிமையால் மனித குலத்தைக் குதூகலப்படுத்தி, தனது அருளாலும், போதனைகளாலும்,மனித குலத்திற்கு வழி காட்டியது. ஒருவர் இந்த மங்களகரமான நாளில் செய்ய வேண்டியது,இறைவனின் இந்த ரூபத்தைச் சுற்றி இருக்கும் உயர்ந்த எண்ணங்களில் மனதை நிலை நிறுத்தி, ஆன்மீகப் பாதையில் முதல் அல்லது அடுத்த அடிகளை எடுத்து வைப்பதே . உங்களது இதயத்தின் அடித்தளத்தில் எழும் ஏக்கங்களுக்கு ஏற்ற, நீங்கள் வழிபடத் தேர்ந்தெடுத்துள்ள, இறைவனது ரூபத்தின் மூலம் மனச் சாந்தி பெறுவதற்கான ஆரம்ப கட்டமாக இப்படிப் பட்ட புனித நாட்களைப் பயன்படுத்துங்கள். எந்த ஒரு நாளும் தீமையானது என எண்ணாதீர்கள். நீங்கள் இறைவனுக்காகச் செலவிடுவீர்களானால் ஒவ்வொரு நாளும், நல்ல நாளே. அதன் ஒளி உங்களது கால்களுக்கு இறைவன் பால் செல்ல வழி காட்டுமானால், ஒவ்வொரு நக்ஷத்திரமும் நல்லதே. இந்நாளில் எனது அறிவுரை இதுவே.