பக்தி மார்க்கத்தில்,லாபத்திற்காக ஏங்கி பேரம் செய்பவர்களுக்கு, பயபக்தி, வருமானத்துடன் ஒப்பிட்டுப் பார்க்கப் படுகிறது; திருப்தியான பதில் ஒவ்வொன்றுக்கும் இந்த அளவு என்று தங்கள் வழிபாட்டை அவர்கள் விற்கிறார்கள். கூலி, அதிக வேலைக்கான படி, ஊக்கத் தொகை என பலவாறாகப் பெற விழையும் சம்பளத்திற்கு வேலை செய்பவர்களைப் போல, தங்களால் எவ்வளவு கறக்க முடியும் என அவர்கள் கணக்கிடுகிறார்கள். ஒருவர் இறைவனின் குடும்பத்தில் ஒருவராக, அவனது உறவினராக, அவனது நண்பனாக இருக்க வேண்டும். நீங்கள் இறைவனுக்கே சொந்தமானவர்கள் என்ற உணர்வு கொள்ள வேண்டும். பின்னர் உங்களது வேலை களைப்பூட்டுவதாக இருக்காது; உங்களால் அதிகத் திறம்படச் செயலாற்ற முடியும், மேலும் அது கூடுதல் திருப்தியும் அளிக்கும். அதற்கு ஈடாக, இறைவன் உங்களை ஆனந்தத்தில் வைத்திருப்பான். அனைத்தையும் அவன் பால் விட்டு விடுங்கள். சிறந்தது எது என அவன் அறிவான். அவன் உங்களுக்கு இருப்பதே போதுமான பரிசாகும்.இதுவே மனித ஆனந்தத்தின் ரகசியமாகும். உங்கள் வாழ்க்கையை இவ்வாறு நடத்துங்கள்; உங்களுக்கு துக்கமே இருக்காது.