இறைவன் வேதங்கள் வாயிலாக தன்னை வெளிப்படுத்துகிறான். அவதாரங்களின் இயல்பு மற்றும் குணாதிசியங்களைப் பற்றிய முழுமையான விவரத்தை நீங்கள் பெறத் தக்க ஒரு நூல் ஸ்ரீமத் பகவத்கீதை ஆகும். இறைவன் தனது பக்தர்களின் நண்பனாக, துணைவனாக, சாரதியாக, ஆசானாக, வழிகாட்டி மற்றும் காப்பாளானாக இயங்குகிறான். மஹாபாரதப் போர் ஏதோ பண்டைய வரலாற்றின் ஒரு அத்தியாயம் அல்ல-ஒவ்வொரு மனித இதயத்தின் உள்ளும் , நல்லவற்றிற்கும், தீயவற்றிற்கும் இடையில் அது நடந்து கொண்டே இருக்கிறது. இறைவனை தனது சாரதியாக ( இதயத்தில்) பிரதிஷ்டை செய்வதன் மதிப்பை அறிந்த ஒருவர் வெற்றி பெறுவது நிச்சயம். மற்றவர்கள் தீயவற்றின் சேனைகளை தடுக்க இயலாது, அவற்றிற்கு அடி பணிந்து விடுகிறார்கள். இறைவனை உங்களது தலைவனாக ஏற்றுக் கொள்ளுங்கள். உங்களது எண்ணம்,சொல் மற்றும் செயல்களை அவனது பாதகமலங்களில் அர்ப்பணித்து,உங்களது செயல்களை அவனிடம் சரணாகதியாக ஒப்படையுங்கள்- ஸ்ரீமத் பகவத்கீதையில்,தன்னைச் சரணாகதி அடைபவருக்கு, இறைவன்,'' நான் உங்களுக்கு மோக்ஷம் அளிப்பேன் '' என உத்திரவாதம் அளிக்கிறான்; '' துயரப் படாதீர்கள்'' என ஆறுதல் அளிக்கிறான்.