எப்போது ஒரு பக்தனின் வேதனை அழுகுரலாகவோ,முனகலாகவோ அல்லது பெருமூச்சாகவோ வெளிப்படுகிறதோ, இறைவன் உடனேயே காப்பாற்ற விரைந்து வருகிறான்;மனச்சோர்வின் குரல் எட்டும் தூரம் எவ்வளவோ, அவ்வளவு தொலைவில் தான் இறைவன் இருக்கிறான்.அவனது குழந்தைகளின் குரல் மற்றும் அழுகையைக் கேட்பதற்கு, இறைவன் எப்போதும் தயாராக இருக்கிறான்.ஒவ்வொரு அழுகைக் குரல் மற்றும் துயரால் துவளும் ஒவ்வொரு இதயம் ஆகியவற்றின் கூப்பிடு தூரத்திலேயே அவனது இல்லம் இருக்கிறது. இறைவன் பற்றுதல் மற்றும் வெறுப்பு அற்றவன் என்பதை நினைவில் கொள்ளுங்கள்.நல்லவர்களைப் போற்றி,பேணிப் பாதுகாப்பதும், தீயோரைக் கண்டிப்பதும் அவனது இயல்பு.மனிதர்கள், தங்களது காலடிகளை ஒழுக்கம் மற்றும் புலனடக்கத்தின் பாதையில் திருப்பி, அதன் மூலம் ஆத்ம ஞானத்தைப் பெறுவதற்கு ஏற்றவாறு அவர்களது திருஷ்ட்டியைத் திரும்ப அளிப்பதில், அவன் எப்போதும் குறியாக இருக்கிறான்.