புலன்களின் கட்டுப்பாடு தேவையே அன்றி அவற்றின் அழிவல்ல. கட்டுப்பாடு என்றால், ஒருவரின் கட்டளைக்கு உட்பட்டு இருப்பது ; ஒருவரின் விருப்பத்திற்குப் பணிந்து இருக்கச் செய்வது என்பதாகும். அழிப்பது என்றால்,செயலைத் தடுப்பது, முழுமையாக செயலிழக்கச் செய்வதாகும். ஒருவர் புலன்களைக் கட்டுப்பாட்டில் வைத்துக் கொண்டு, எந்தக் காரியங்களுக்காக அவை உருவாக்கப் பட்டனவோ,அவற்றைச் செய்வதற்கு தேவைப்படும்போது மட்டுமே பயன்படுத்த வேண்டும். உங்கள் வீட்டில், வாயிலின் வழியாக நுழைவதற்கு, எவருக்குத் தகுதி உள்ளது என்பதை மிக்க கவனத்துடன் பார்க்கிறீர்கள். ஒரு வாசல் வழியாக வர வேண்டியவர்கள் மற்றொரு வாசலைப் பயன்படுத்தக் கூடாது. அவர்கள் அவ்வாறு செய்தால்,அந்த வீட்டில் குழப்பமும், ஒருங்கின்மையும் மட்டுமே நிலவும். , இப்படி அனுமதி இன்றி நுழைவோர்கள் வந்து விட்ட பின் அதைக் கையாளுவதற்கு பதில், இப்படிப் பட்ட குழப்பத்திற்கு முன் எச்சரிக்கையாக நடந்து கொள்வதே புத்திசாலித்தனம். முதல் தடவை, இந்த அத்து மீறலை நீங்கள் மன்னிக்கலாம். ஆனால் கண்டிப்பாக,இது மறுபடியும் ஏற்படாதபடி நீங்கள் தேவையான கவனம் எடுத்துக் கொள்ள வேண்டும். அது மிகச் சிறந்த முறையாக இல்லாவிடினும்,ஒரு விதத்தில் சிறந்த முறையே.