நீங்கள் மனத்தூய்மையை அடையும் போது,சத்தியம் அதில் பிரதிபலிக்கும். இதற்கு ஸத்ஸங்கம் மிகவும் இன்றியமையாதது. புனிதமான மற்றும் பக்தி கொண்ட ஆன்றோர்களது உறவு, சிக்க வைக்கும் செயல்களிலிருந்து படிப்படியாக உங்களை விடுவிக்கும். குளிர்ந்த ஒரு நிலக்கரிக் கட்டியை கொழுந்து விட்டு எறியும் கனலின் அருகில் வைத்து, நெருப்பை விசிறினால், நிலக்கரியும் நெருப்புடன் சேர்ந்து ஒளி விட்டு மிளிரும். ஞான அக்னியும் இவ்வாறே செயல் படுகிறது. தனி மனித முயற்சியும், இறைவனது அருளும் ஒன்றை ஒன்று சார்ந்ததே. முயற்சி இன்றி இறை அருளைப் பெற இயலாது. அந்த அருளைப் பெறுவதற்கு, நம்பிக்கையும். ஒழுக்கமும் உங்களுக்கு இருந்தால் போதும். தட்டுங்கள் -அருளின் கதவுகள் திறக்கும். கதவைத் திறவுங்கள் -வெளியில் காத்துக் கொண்டு இருக்கும் சூரியனின் கிரணங்கள் நிசப்தமாகப் பாய்ந்து அறையை ஒளி வெள்ளத்தில் ஆழ்த்தி விடும்.