மனதை, பரப்பிரம்மத்தின் எங்கும் வியாபித்திருக்கும் மகத்துவத்தை சுவாசிக்குமாறு பணியுங்கள்.அவனது பல நாமங்களை உச்சரிப்பதன் மூலமும், ஒவ்வொரு நொடியும், ஒவ்வொரு மூச்சிலும் அவனது சிறப்பை அதற்கு நினைவூட்டுவதன் மூலமும் இதைச் செய்யுங்கள். அல்லது உங்களை குறுகிய சுயநலத்திலிருந்து வெளியே எடுத்து அவனது பிரம்மாண்டமான கம்பீரத்திற்கு இட்டுச் செல்லும் பணிகளைச் செய்யுங்கள்; அல்லது செயல்களின் பலன்களை இறைவனுக்கே அர்ப்பணிக்கும் பணிகளை ஆற்றுங்கள் அல்லது உங்களது நேரம்,சக்தி ஆகியவற்றை சக மனிதர்களுடன், உங்களது திறன்,மகிழ்ச்சி மற்றும் அறிவைப் பகிர்ந்து கொள்வதில் செலவிடுங்கள். அல்லது உயர்ந்த வாழ்க்கைக்காகத் தங்களை அர்ப்பணித்துக் கொண்டு, உங்களது குறிக்கோளை எட்டுவதற்கான பாதையில் உங்களை ஊக்குவிப்போரை எப்போதும் உங்களைச் சுற்றிலும் இருக்குமாறு வைத்துக் கொள்ளுங்கள். இவற்றின் மூலம் நீங்கள் மனத்தூய்மை பெற இயலும்.