ஒருவரது இறுதித் தருணத்தில் மனதை இறைவன் பால் நிலை கொள்ளச் செய்வது என்பது அவ்வளவு சுலபமாக பெறக் கூடிய ஒன்றல்ல.அதற்கு முன்னரே நீண்ட பயிற்சியும் , குறிப்பிட்ட சாதனைகளை அடைந்திருப்பதும் அவசியமாகிறது. இது தான் '' பூர்வ ஸம்ஸ்காரம்'' என்று குறிப்பிடப் படுகிறது. மனம் ஒரு குறிப்பிட்ட தீவிர கட்டுப்பாட்டு வழிமுறையைக் கடைப் பிடித்திருக்க வேண்டும். அது மட்டும் போதாது;மனம் மற்ற எண்ணங்கள் யாவற்றையும் மட்டமானதாகவும் , கீழ்த்தரமானவை என்றும்,ஏன்,தீண்டத் தகாதவை எனவும் ஒதுக்கி இருக்க வேண்டும். இந்த பிற பொருட்களின் மீதான வெறுப்பு வலிமை உள்ளதாக வளர வேண்டும்.எப்போது இந்த இரண்டும்- மனதைக் கட்டுப்படுத்துவதும், பிற எல்லா எண்ணங்களின் மீதும் பற்றற்ற மனப் பாங்கும்- இருக்கிறதோ இறைவன் பால் மனக் குவிப்பு வெளிப்பட்டு,இறுதித் தருணத்தில் நிலையாக இருக்கும்.