மண்ணுடன் சேரும்போது,இரும்பும் துருப்பிடித்து விடுகிறது. நெருப்புடன் சேரும்போது, அது ஒளிர் விட்டு, மிருதுவாகி,பயன்படக்கூடிய பல வடிவங்கள் எடுக்கிறது. தூசி காற்றை நண்பனாக்கிக் கொண்டால் விண்ணில் பறக்கலாம்; அதுவே நீரை நண்பனாக்கிக் கொண்டால் மண்ணில் சேறாக முடிவடைகிறது.அதற்கு இறக்கையோ,காலோ கிடையாது, இருந்தாலும் பறக்கவோ,நடக்கவோ, மேல் எழவோ,கீழ் விழவோ முடிகிறது அது தேர்ந்தெடுக்கும் நண்பனைப் பொறுத்து.இந்த உண்மையை உணர்ந்த மாமுனிவரான கபீர்தாஸர் ஒருமுறை, '' இதோ நல்லவர்களுக்கு என் நமஸ்காரங்கள், இதோ தீயவர்களுக்கு என் நமஸ்காரங்கள் ' என்றார். தீயவர்களுக்கு ஏன் நமஸ்காரங்களைக் கூறுகிறார் என்று கேட்டதற்கு அவர்,'' என்னை விட்டு விட்டுப் போவதற்காக தீயவர்களுக்கு எனது நமஸ்காரங்கள். அவற்றையே ,என்னுடன் எப்போதும் சேர்ந்திருக்க வேண்டும் என்பதற்காக நல்லவர்களுக்குச் செலுத்துகிறேன் '' என்றார்.உங்களது சேர்க்கையைப் பொறுத்தே நீங்கள் உருவாக்கப் படுகிறீர்கள்.