எங்கும் வியாபித்து,அனைத்துள்ளும் உறையும் ஆத்மாவை ஆதாரமாகக் கொண்ட, அனைத்து ஜீவராசிகளின் ஒற்றுமையில் உள்ள நம்பிக்கையே ஆன்மீக சாதனையின் அடிப்படையாகிறது.நீங்கள் ஆயிரக்கணக்கான மனிதர்களைக் காணலாம், ஆனால்,அடிப்படையில் அனைவரும் ஒன்றே-ஏனெனில்,ஒரே சமுத்திரத்தில் தோன்றும் பல அலைகளே அவர்கள். அனைத்து உறுப்புக்களின் கூட்டு முயற்சியால் பெறப்பட்ட உணவு, வயிறு மற்றும் பிற உறுப்புக்களால், வலிமையாக மாற்றப்பட்டு, அதை அனைத்து அங்கங்களும் உறுப்புக்களும் பங்கு போட்டுக் கொள்கின்றன.இந்த முறையில், உடலின் ஒரு உறுப்புக்கூட ஒதுக்கப் படுவதில்லை. அதைப் போலவே, நீங்கள் அனைவரும், இந்தப் பிரபஞ்சத்தை விடவும் பிரம்மாண்டமான ஒரு அகில உலக நாயகனான இறைவனின் அங்கங்களே என்பதைப் புரிந்து கொள்ளுங்கள். அவனது மகிமையின் ஒரு சிறு பகுதியே இந்தப் பிரபஞ்சம். நீங்கள் அனைவரும் அவனுள் இருக்கிறீர்கள்; மேலும் உங்களுள் உறையும் அதே இறைவனே அனைத்து ஜீவராசிகளின் உள்ளும் இருக்கிறான்.