உங்களது விசுவாசம் உங்கள் குடும்பத்தின் மீது இருந்தால்,நீங்கள் குடும்பத்தின் பணியாளரே.அதுவே இறைவன் பால் இருந்தால் நீங்கள் இறைவனின் பணியாளர் ஆகிறீர்கள்.ஆனால் அவன் தரும் கூலியைப் பற்றிக் கவனிக்காதீர்கள்.விவாதம் செய்து, வெகுமதிகளுக்காக பேரம் பேசாதீர்கள். கூலி வேலைக்காரர்கள் தான் சம்பளத்திற்காக அமளி செய்து,தாங்கள் ஏழைகள் என்று பறைசாற்றிக் கொள்வார்கள்.இறைவனின் உறவினராக,குடும்ப அங்கத்தினராக, அவனது வாரிசாக இருங்கள். பின், அவன் உங்களை சௌகரியமாக வைத்துக் கொள்வதற்குத் தகுதி உள்ளவராகி விடுகிறீர்கள். இறைவனுக்கு அருகாமையில் அவனது உறவினராக வாழ்வதற்கு முயற்சி செய்யுங்கள். அவனுக்கு சேவை செய்த நேரத்தைக் கணக்கிட்டு,அவன் உங்களுக்குத் தேவையான அளவு ஈடு செய்யவில்லையே என்று புலம்பாதீர்கள். எப்போதும் நல்லதைச் செய்வதிலும்,நல்லவராக இருப்பதிலும், அவனுக்கு சேவை ஆற்றுவதிலும், மகிழ்ச்சியுடன் இருங்கள்.