இனிமையான பழங்களாக மாறும் நறுமணமுள்ள மலர்களைத் தருவதால்,ஒரு மரம் தனது வாழ்க்கைக்கு ஒரு நியாயம் கற்பிக்கிறது. அதே சமயம்,அதன் இலைகள் கருகி,மலர்கள் வாடி, பழங்கள் வளராமல் போனால், விவசாயி அதனது வேர்களை ஆராய்ந்து,அவைகள் பூச்சிகளால் அரிக்கப் பட்டுள்ளதைக் காண்கிறான்.அதைப் போலவே,நற்குணங்கள் மலர்ந்து, உங்களுள் நற்கனிகளை நல்காவிடில்,தெய்வீகத்தின் வேர்கள் பாதிக்கப் பட்டு சிதைந்து போயிருக்க வேண்டும். பொறாமை, பேராசை, வன்மம் போன்ற பூச்சிகளே வெகு விரைவாக வேர்களை அழிக்கின்றன. நீங்கள் அனைவருமே இறைவனுக்கு நெருங்கிய மற்றும் பிரியமானவர்களே; அவனை உணருவதற்கான தீவிர உறுதி ,உங்களுக்குத் தான் இருக்க வேண்டும்.துன்பங்கள்,சோதனைகள் மற்றும் துயரங்களுக்கு வரவேற்பளியுங்கள். உங்களுக்குப் பிடித்தமான இறை நாமஸ்மரணையை நிலையாகவும் நம்பிக்கையுடனும் செய்யுங்கள்.கீழ்த்தரமான சுகங்களை விட்டு விடுங்கள்.ஒவ்வொரு இதயத்திலும் உள்ள ஆனந்தத்தின் ஊற்றே இறைவன் என்பதை அறிந்து கொள்ளுங்கள்.தூய இதயத்துடன் இறைவனது நாமத்தைத் திரும்பத் திரும்பச் சொல்லும் போது, இறைவன் அதை ஆனந்தத்தால் நிரப்பி விடுவான்.