பகவான் ஸ்ரீ கிருஷ்ணர் ஸ்ரீமத் பகவத் கீதையில்,இறக்கும் தருவாயில் ''ௐ'' எனும் பிரணவ மந்திரத்தை நினைவில் கொள்ள வேண்டும் என்கிறார். ஆனால், மனம், ஒரு கற்பனையிலிருந்து மற்றொன்றிற்கு தாவிக் கொண்டே இருக்கும் போது, வெறும் குரலினால், '' ௐ, ௐ,ௐ..'' என்று ஒலி எழுப்புவதனால் மட்டும் என்ன பலன் கிட்டும்? வெறும் ஒலி, நீங்கள் மோக்ஷம் அடைய உதவாது. புலன்கள் கட்டுப்படுத்தப் பட வேண்டும், சிந்தனைகள் ஒருமுகப்படுத்தப் பட வேண்டும்,மேலும் இறைவனது மகிமையைத் தெரிந்து கொள்ள வேண்டும். நீங்கள் ஆன்மீக சாதனையை இறுதித் தருணம் வரை தள்ளிப் போட்டுக் கொண்டே வருவது, தேர்வு நடக்கும் இடத்தை நுழையும் தருவாயில், முதல் தடவையாக புத்தகத்தின் பக்கங்களைப் புரட்டும் மாணவனைப் போன்றதாகும் ! மாணவன், ஆசிரியர்கள்,விரிவுரைக் குறிப்புக்கள் மற்றும் புத்தகங்களிலிருந்து கற்றுக் கொள்ளத் தவறி விட்டால், அன்று காலை மட்டும், அவனது புத்தியில் என்ன ஏறும்? அது அவனது துயரத்தை மேலும் அதிகரிக்கவே செய்யும். எனவே தான் இறைவன் சத்தியத்தைத் தேடுவதை சிறு வயதிலிருந்தே ஆரம்பிக்க வேண்டும் என்று அறிவுறுத்துகிறார்.