மேகங்கள்,விண்மீன்கள்,சூரியன் மற்றும் சந்திரன் ஆகியவை வானத்தில் கடந்து சென்றாலும், அதில் தழும்புகள் இருப்பதில்லை. அதே போல, ஆயிரக்கணக்கான எண்ணங்கள் உங்கள் மனதில் கடந்து செல்லட்டும்;அது பாதிக்கப்படாமலும், தெளிவாகவும் இருக்குமாறு பார்த்துக் கொள்ளவும். மனதை உறுதியானதாக ஆக்கிக் கொள்ளுங்கள், பிறகு உங்களது புத்தியும் தடுமாறாமல் இருக்கும். அந்த சாந்தி இல்லை என்றால் உங்களுக்கு சௌக்கியமும் கிடைக்காது. கபீர்தாஸர் மூன்று நாட்கள் உணவு இன்றி இருந்தார்; ஆனால், ஒரு உபவாஸம் இருக்கக் கூடிய அரிய வாய்ப்பை அளித்தமைக்காக அவர் இறைவனுக்கு நன்றி கூறினார். ஸ்ரீ ராமரின் மிக உயர்ந்த பக்தரான பக்த ராமதாஸர் சிறையில் அடைக்கப் பட்டார்; அவர்,எந்த தொந்தரவும் இன்றி இறைவனை தியானிப்பதற்கான இடம் கிடைத்தமைக்காக இறைவனுக்கு நன்றி கூறினார். இறைவனுக்குப் பிடித்தமான, இறையருளாளர்களின் மனப்பாங்கு அப்படிப் பட்டதாகும்.