நீங்கள் பெற்றுள்ள தகுதி மற்றும் தொழிலைக் கருதி,சூழ்நிலை மற்றும் சந்தர்ப்பத்திற்கு ஏற்றவாறு எது சிறந்தது என்பதைக் கண்டறிய, உங்களது புத்தியைக் கட்டாயம் பயன்படுத்த வேண்டும். ஒரு நாவிதர் அனைத்தையும் ஒன்றாகக் கருதி,தனது க்ஷவரக் கத்தியை, காய்கறிகளின் தோல் சீவுவதற்கும், பென்சில் மற்றும் காகிதத்தைத் துண்டிப்பதற்கும், மூங்கில் மற்றும் தாடிகள் மீதும் ஒன்று போலப் பயன்படுத்தக் கூடாது.ஒவ்வொரு கருவிக்கும் ஒரு தனிப்பட்ட பயன் படுத்தும் முறையும்,நோக்கமும் உள்ளது; ஒவ்வொரு தனி மனிதருக்கும் சில திறன்களும் பொறுப்புக்களும் உள்ளன. அரசனை,அரசன் போலவும், விவசாயியை விவசாயியைப் போலவும் நடத்த வேண்டும். ஆனால், அனைத்தும் ஒன்றே என்ற நம்பிக்கையை, உங்களது செயல்கள் குலைக்காமல் இருக்குமாறு பார்த்துக் கொள்ளுங்கள். அடிப்படையில் அனைத்துமே பரப்பிரம்மம் என்றாலும் கூட, தினசரி வாழ்க்கையில் அவற்றைக் கையாளும்போது,நீங்கள் அத்வைதத்தைக் கடைப் பிடிக்க முடியாது.'' கர்ம அத்வைதம்'' ( செயலில் ) அல்ல, ''பாவ அத்வைதம்'' ( உணர்வுகளில் ) தேவை ;அதாவது, பலதரப்பட்ட பொருட்கள் மற்றும் மனிதர்களுடன் நமது வெளிப்படையான செயல்கள் வெவ்வேறாக இருந்தாலும், அனைத்தும் ஒன்றே என்ற அடிப்படை நம்பிக்கை இருக்கவேண்டும்.