வாழ்க்கையில் அமைதியையும்,ஆனந்தத்தையும் பெறுவதை புனித நூல்களைப் படிப்பதன் மூலமோ அல்லது அவற்றை வென்ற ஆன்றோர்களிடமிருந்தோ கற்றுக் கொள்ளுங்கள். கடும் விமர்சனத்திற்கோ அல்லது இரக்கமற்ற கண்டனத்திற்கோ உள்ளான போதும், அந்தப் பாதையை சிரத்தையுடன் பின்பற்றுங்கள். கேலிச் சிரிப்புகளோ அல்லது கருத்துக்களோ உங்களை கவலையில் ஆழ்த்த அனுமதிக்காதீர்கள்;அவை ஆன்மீக சாதகருக்கு ஒருபோதும் தீங்கிழைக்க முடியாது. ஒரு புயல், இமய மலைத் தொடரை அசைக்க முடியுமா ? தேர்ந்தெடுத்த பாதை அல்லது குறிக்கோளின் மீது , உங்களுக்கு உள்ள நம்பிக்கை, துன்பம் அல்லது சோதனை, கஷ்டம் அல்லது நஷ்டம், துயரம் அல்லது அவநம்பிக்கை ஆகியவை முன் நடுங்காமல் இருக்கட்டும்.இவை தற்காலிகமாக நிழலைப் பரப்பி, சில காலம் சூரியன் அல்லது சந்திரனின் பிரகாசத்தை மறைத்து, பின் கலையும் மேகங்கள் போன்றவை. சந்தேகம் அல்லது மனச் சோர்வினால் கவனத்தைச் சிதறவிடாதீர்கள். பண்டைய முனிவர்கள் வகுத்துக் கொடுத்த, ஒவ்வொன்றும் மற்றவற்றிற்கு வலுவும், பாதுகாப்பும் அளிக்கும், தர்மம், அர்த்தம், காமம் மற்றும் மோக்ஷம் என்ற நான்கு நிலையான தூண்களின் மீது, உங்கள் வாழ்க்கை என்னும் மாளிகையை நிர்மாணியுங்கள். ஒருபோதும்,தற்காலத்தில் சில மனிதர்கள்,சில சமூகங்கள் மற்றும் சில நாடுகள் செய்வது போல, இவற்றை சாயவோ அல்லது நிலை குலையவோ அனுமதிக்காதீர்கள்.