நம்பிக்கை இல்லாமையே ஒருவர் பொறுமை இழந்து கோபத்தில் சீறி எழுவதற்குக் காரணம்; தன் மீதும் பிறரின் மீதும் நம்பிக்கை இல்லாமையே.வேதங்கள் பறைசாற்றுகின்றபடி, நீங்கள் உங்களை, தோல்வியே அற்ற ஆத்மாவாகவும், பிறரை உங்களது பிரதிபலிப்புக்களாகவும் உண்மையிலேயே பார்க்க ஆரம்பித்து விட்டால், கோபம் அடைவதற்கான தூண்டுதலுக்கு இடமே இருக்காது. உங்களுள் உறையும் தெய்வீகத்தை மேலும் மேலும் வெளிப்பட வைப்பேன் என்பது தான் நீங்கள் இன்று செய்ய வேண்டிய பிரதிக்ஞை. நீங்கள் எதைச் செய்கிறீர்களோ இல்லையோ,குறைந்த பட்சம் இதைச் செய்யுங்கள்; இறைவன் உங்களுள் உறைகிறான் என்பதை அறிந்து கொள்ளுங்கள். அவனை உணர்ந்து கொள்ளுங்கள்; அவன் உங்களுள்ளும்,உங்கள் மூலமாகவும் வெளிப்படட்டும். இந்த உடலும் அதனுடன் சம்பந்த பட்ட அனைத்தும் நிலையற்றவை என்பதைப் புரிந்து கொள்ளாமையே அடிப்படைத் தவறாகும்.