அமைதியும் ஆனந்தமும் கிடைக்க,நீங்கள் அஹங்காரம், மற்றும் அதனின் குழந்தைகளான காம,க்ரோத, லோப,மோஹ,மத ,மாத்ஸர்யங்களால் களங்கமடையாத தூய்மையான மனதை வளர்த்துக் கொள்ள வேண்டும். ஸத்ஸங்கத்தை நாடி, நற்காரியங்களைப் புரிந்து,சீரிய எண்ணங்களை வரவேற்று, ஊக்கமளிக்கும் புத்தகங்களைப் படித்து வந்தால்,இது எளிதாகி விடும். இவை அனைத்தையையும் விட குறைந்தது ஒரு நல்ல எண்ணத்தையாவது நடைமுறையில் கொண்டு வருவது மிகவும் முக்கியம். நீங்கள் நடைமுறையில் இதைச் செய்யவில்லை என்றால்,உங்களது இதயக்கண்ணாடியில் படிந்திருக்கும் மாசுக்கள் நீக்கப் பட மாட்டா:மேலும் இறைவன் அதில் பிரதிபலிக்க மாட்டான்.முழு நம்பிக்கையுடன் இடையறாது பயிற்சி செய்வது மனிதனை ( நரன் ), மாதவனாக ( நாராயணன்) மாற்றி விடும், ஏனெனில் நீங்கள் அடிப்படையில் தெய்வீகமானவர்களே.