உங்களுக்கே உரித்தான தெய்வீகத்தைப் பற்றி ஆழ்ந்து சிந்தியுங்கள். முதலை நதி அல்லது ஏரியின் ஆழமான தண்ணீரில் இருக்கும்போது,சந்தோஷமாகவும்,பாதிக்கப் படாமலும் , வெல்லமுடியாததாகவும் இருக்கிறது. ஒருமுறை நிலத்திற்கு ஊர்ந்து வந்து விட்டால், ஒரு விளையாட்டு பொம்மை போலவும்,எளிதான இலக்காகவும், அது ஆகி விடுகிறது. நினைவில் கொள்ளுங்கள்- உங்களது அடைக்கலம்,உங்களது சக்தியின் ஆதாரம், உள்ளார்ந்த ஆழமே. அங்கேயே தங்கி இருங்கள். உங்களது எண்ணங்களை ஆழமற்ற இடங்களிலோ அல்லது மணற்பரப்பிலோ சிதற விடாதீர்கள்.காயத்ரி மந்திரத்தை திரும்பத் திரும்ப உச்சரிப்பது பகுத்தறிவை வளர்க்கும்; அதன் பலன்கள், தீய நட்புக்களை விடுத்து, ஆன்றோரின் நட்பைத் தேடுவதாக அமையும்.ஸத்ஸங்கம் கிடைக்கவில்லை என்றால்,உங்களது உயர்ந்த உணர்ச்சிகள் மற்றும் சீரிய எண்ணங்களுடன் நட்புணர்வை ஏற்படுத்திக் கொள்ளுங்கள்.தெய்வீக ஒளியில் நீங்கள் நிலை கொண்டு விட்டால், கவலை, துயரம் அல்லது கர்வம் உங்களுக்குத் தீமை செய்ய இயலாது.