ஸனாதன தர்மம் குருவை வணங்குமாறு பணிக்கிறது, ஏனெனில் குருவே , அறியாமையின் காரணமாக பிறப்பு, இறப்பு என்ற வெள்ளத்தில் விழவிருக்கும் உங்களை பேரழிவிலிருந்து காக்க விழைகிறார்.உயர்ந்த மரியாதைக்குரிய முனிவர்கள் போராடி, அவர்களது உண்மை நிலையைக் கண்டு பிடிக்கும் பொருட்டு , தூய்மையான எண்ணங்களின் நிலைக்கு தங்களை உயர்த்திக் கொண்டவர்கள். தங்களது கண்டு பிடிப்பின் வியப்பளிக்கும் உணர்வுகளை அனுபவித்து,அவர்கள் அடைந்த சுதந்திர உணர்வைப் பற்றி பாடியுள்ளனர். இந்த பாடல்களும் போதனைகளும் வழிகாட்டிகளைப் போல பயனளிக்கின்றன; இவற்றால் பயனடையும் அனைவரும், தங்களது நன்றிக்கடனை செலுத்தியே ஆக வேண்டும். இதைச் செய்வதற்கான சிறந்த வழி , அவற்றைப் படித்து, படித்தவற்றைப் பற்றி ஆழ்ந்து சிந்தித்து,அவர்கள் போதித்த உண்மைகளை கடைப்பிடித்து,உங்களது சொந்த அனுபவத்தின் மூலம் அவை சரியானவை என்று நிரூபிப்பதே. முனிவர்களுக்கு நாம் பட்ட கடனைத் ( ரிஷி ருணம்) திரும்ப அளிக்க மிகச் சிறந்த வழி இதுவே.