இந்த அழகிய பிரபஞ்சத்தின் கவர்ச்சிகளையும்,கவனச்சிதைவுகளையும் விடுத்து, ஆத்மாவின் அறை கூவலால் கவரப்பட்டு, நீங்கள் ஒரு ஆன்மீகத் தலத்திற்குச் செல்கிறீர்கள். இந்த மனப் பாங்கு பாராட்டப் படக் கூடிய ஒன்று ஏனெனில், உலக விவகாரங்கள் என்ற இருளில் தத்தளித்து கொண்டிருப்போருக்கு உண்மையில் வழி காட்டும் கலங்கரை விளக்கம் ஆத்ம ஒளியே.இருள் குழப்பத்தைத் தோற்றுவித்து, உங்களை ஒன்றை, மற்றொன்றாகக் கருத வைக்கிறது.இருளில் ஒரு மரத்தின் அடிக்கட்டை கூட, உங்களைக் கொள்ளை அடிப்பதற்காகக் காத்திருக்கும் ஒரு திருடனைப் போல தோன்றும்.சந்தேகங்களையும்,திருப்பங்களையும் உண்டாக்கும் இருளை நீக்கும் ஒளி ஆத்ம ஞானமே. இந்த ஞானம் இல்லாது மக்கள் இருளில் அலைந்து திரிகிறார்கள்.தங்களைப் பற்றிய மேலும் தாங்கள் எங்கிருந்து வந்தோம் , எங்கு செல்கிறோம் என்பவற்றின் அனைத்து நினைவையும் இழந்தவர்களைப் போல நடந்து கொண்டு, ஆன்றோர்களிடையே இரக்கத்தைத் தோற்றுவிக்கிறார்கள். தனது உண்மை நிலை ஆத்மாவே என உணருவதே, இருளைச் சிதற அடிக்கும் விளக்கை ஏற்றுவதற்கு ஒப்பான ஞானத்தின் அறிகுறி .