பகவான் ஸ்ரீ ராமர் சத்தியத்தைக் கடைப்பிடிப்பதையே தர்மத்தின் முக்கியமான அங்கமாகக் கொண்டிருந்தார்.எந்த சோதனையானாலும், இடர்கள் எவ்வளவு கடினமாக இருந்தாலும், அவர் சத்தியத்தை கை விடவே இல்லை. சீதா மாதாவும் எல்லாக் காலங்களிலும், ஒரு கற்புடைய பெண்ணின் தர்மத்தைக் கடைப்பிடித்து வந்தார்.ஆனால் இன்று ஆண்களும் பெண்களும் அந்த அந்த நேரத்தின் சௌகரியத்திற்கு ஏற்றபடி நடக்கும் கவர்ச்சிக்கு ஈர்க்கப்பட்டு விடுகிறார்கள். ஆழ்ந்த தர்மத்தின் ஊற்றுகளுக்கு அதிக முக்கியத்துவம் கொடுப்பதில்லை.முடிவுகள்,கடைப்பிடிக்கும் முறைகளை நியாயப்படுத்த முடியுமா? தீமையான வழிகளால் பெறப்பட்ட நியாயமான முடிவுகள் ஒருபோதும் சரியானவை ஆகாது. இதயத்தில் ஸ்ரீராமரை ( இறைவனை ) பிரதிஷ்டை செய்த ஒருவர் அதில் ஒரு மிருகத்திற்கு இடமளிக்கக் கூடாது. ஸ்ரீ ராமர் அவரது அவதாரத்தின் போது பிறர் மகிழ்ச்சி அடைந்தால்,அவரும் மகிழ்ச்சி கொண்டார். பிறர் துன்பம் அடைந்தால், அவரும் துன்பப் பட்டார். ஸ்ரீராமர்,ஒவ்வொருவரும் இந்த பண்பைக் கற்றுக் கொள்ள வேண்டும் என விரும்பினார். இதை நீங்கள் கடைப் பிடித்தால், நீங்கள் இறைவனது அருளைக் கட்டாயம் ஈர்த்துக் கொள்வீர்கள். எனவே, பிறரிடமிருந்து வரும் துன்பத்தைத் தவிர்க்கும் போது,பிறருக்கு துன்பம் விளைவிக்காமல் இருப்பதிலும் கூட கவனமாக இருங்கள்.