ராமாயண இதிகாசத்தில் ராவணன், தனது அமைச்சர்களின் இனிமையான புகழ்ச்சிகளுக்கு செவிமடுத்தானே அன்றி, அவனது சகோதரனான விபீஷணனின் நன்மை தரும் ஆலோசனைக்கு அல்ல. அவனது சகோதரனை நாடு கடத்தி விட்டு,அரச சபை ஆலோசகர்களுக்கு மதிப்பளித்ததன் மூலம் தனது அழிவைத் தானே தேடிக் கொண்டான். இன்று பலர் நன்மை பயப்பவற்றைவிடுத்து, இனிமையானவற்றையே தொடர்கின்றனர்; அனைத்து துன்பங்களுக்கும் அதிருப்திக்கும் இதுவே காரணம். பாரத கலாசாரம் எப்போதும் கடினமான ,நன்மை பயக்கும் வழியையே வலியுறுத்துகிறது; எப்போதும் ஒருவரது புலனடக்கத்தையே அது அறிவுறுத்தி வந்துள்ளது. ஆனால் மனிதர்கள் இன்று புலன்களுக்கு தீனி போடும் கலாசாரங்களையே பின்பற்றி, தாற்காலிகமான மற்றும் வெளிப்படையான பகட்டுகள் மற்றும் சுகங்களுக்காக அலைகின்றனர். எதைச் சுழற்றினால், வெளியில் இருக்கும் சக்கரங்கள் தானாகவே திரும்புமோ, அந்த உள்ளே இருக்கும் (ஸ்ட்டியரிங்) சக்கரத்தால் தான் ஒரு கார் செலுத்தப் படுகிறது என்பதைப் புரிந்து கொள்ளுங்கள். அதைப் போலவே , நீங்களும் உங்களுள் இருக்கும் ( ஆத்ம) சக்கரத்தைச் சுழற்றினால், நீங்கள் முன்னேற முடியும்.