வாழ்க்கை, இரண்டும்,இரண்டும் ,நான்கு என்பதைப் போன்ற கணித சூத்திரம் அல்ல. சிலருக்கு அது மூன்றாகவும் ,வேறு சிலருக்கு ஐந்தாகவும் இருக்கும். '' இரண்டு '' என்ற எண்ணை ,ஒவ்வொருவரும் எவ்வளவு மதிக்கிறார்கள் என்பதைப் பொறுத்து அது இருக்கும். ஆன்மீகப் பாதையில் ஒவ்வொருவரும் அவர்கள் முன்பே எந்த நிலையில் இருக்கிறார்களோ, அங்கிருந்து ஒவ்வொருவரும் தங்கள் கைகளில் ஏந்தியுள்ள விளக்கை எடுத்துக் கொண்டு முன்னேற வேண்டும். உங்களது குண நலன்ளை பரிசோதித்து, அவற்றை பீடித்திருக்கும் குறைகளைக் கண்டறியுங்கள்;பிறரது குணங்களை அலசி அதில் உள்ள குறைகளைக் காண முயலாதீர்கள்.இந்த சுய பரிசோதனை உங்களது ஆன்மீக முன்னேற்றத்தைப் பின்னடைவு செய்யும் குறைகளை வெளிக் கொணருவதற்கு மிகவும் அத்தியாவசியமானது. அசுர குணம் படைத்தவர் இறைவனைப் பணியாது இறுமாப்பு கொண்டவர்கள்; அவர்கள் ஒருவருள் உள்ள தீய குணங்களை அழிக்க வல்ல ஆத்மாவின் நுண்ணிய மற்றும் வலுவான திறன்களை உதாசீனப்படுத்தி, ஆயுதங்கள் மற்றும் ஆள் பலத்தில் நம்பிக்கை வைப்பார்கள். உங்களது குறைகளை மறைக்க முயலாதீர்கள், அவற்றிற்காக வெட்கித் தலைகுனிந்து அவற்றை விரைவாகக் களைய கடு முயற்சி செய்யுங்கள்.