ஒவ்வொருவரும் தங்களது ஆன்மீக சாதனைகளுக்குத் தகுந்த,இந்த மற்றும் முந்தைய பிறவிகளில் செய்த கர்மாக்கள் அவர்களுக்கு அளிக்கும் பலன்களைப் பெறுகிறார்கள். ராமாயண இதிகாசத்தில் அசுர அரசனான ராவணன் அறிவு, ஆற்றல்,செல்வம், பலம், அதிகாரம் ஏன் இறைவனது அருள் ஆகிய அனைத்தும் பெற்றிருந்தான் -ஆனால்,எல்லா விதமான சாதனைகள் பெற்றிருந்தாலும் கூட, அவன் மனதில் பதிந்து விட்ட காமம் மற்றும் கர்வம் என்ற விஷக்கிருமி அவனது அழிவிற்கு வழி வகுத்தது. இந்த விஷக்கிருமி வேலை செய்ய ஆரம்பித்த பிறகு, அவனால் ஒரு கணம் கூட மகிழ்ச்சியாகவும் அமைதியாகவும் இருக்க இயலவில்லை. வாழ்க்கை பல எதிரிகளுடனான தடங்கல்கள், கவர்ச்சிகள், இடையூறுகள், மற்றும் தயக்கங்கள் நிறைந்த நிரந்தர போராட்டமே. இந்த எதிரிகள் ஒவ்வொருவருள்ளும் இருக்கின்றனர்; எனவே இந்தப் போராட்டம் தொடர்ச்சியான, ஓயாத ஒன்று. இந்த உள்ளார்ந்த பகைவைர்களுடனான போராட்டத்தில் ஒவ்வொருவரும் மற்றவர்களிடமிருந்து மாறுபடுகிறார்கள். இரத்த ஓட்டத்தில் வளர்ச்சி பெறும் விஷக்கிருமியைப் போல,தீய குணங்களான காம,க்ரோத,மோஹ,லோப,மத மாத்சர்யங்கள் மனிதரது சக்தி மற்றும் நம்பிக்கையை உறிஞ்சி,இறுதியில் அவர்களது அழிவில் கொண்டு விடுகின்றன. எனவே எப்போதும் நினைவில் கொள்ளுங்கள்- நற்குணங்களே பலம்,தீயகுணங்கள் பலவீனமே.