இந்த உடல் இன்றோ, என்றோ அழியத்தான் போகிறது. ஒவ்வொருவரும் இதை அறிவார்கள். இருந்தாலும் ஒவ்வொருவருக்கும் இறப்பைப் பற்றிய பயம் உள்ளது; ஒருவர் கூட அந்த இறுதி நேரத்தை எதிர் கொள்ளும் ஆர்வத்துடன் இல்லை. பிறந்த அனைத்தும் ஒரு நாள் இறக்கத் தான் வேண்டும் ; இறப்பு உறுதியானது,தவிர்க்க இயலாதது ! இந்த முரணாண அனுபவத்தின் பூட்டைத் திறக்க வேண்டும் எனில், இந்தக் கேள்வியைக் கேட்டுக் கொள்ளுங்கள்- இறப்பை எதிர் கொள்வது எது? விட்டுச் செல்வது எது,இருக்கப் போவது எது? இதன் பதில் - உடலே வீழ்ந்து மடிகிறது. இறப்பற்றது ஆத்மாவே. '' நீங்கள் '' என்ற ஆத்மா இறக்கிறது என்ற எண்ணத்தில் உங்களையே மாயையில் ஆழ்த்திக் கொள்கிறீர்கள், இது தவறானது. ஆத்மாவிற்கு பிறப்பு அல்லது இறப்புடன் எந்த சம்பந்தமும் இல்லை. அது நிலையானது, சத்தியமானது, மேலும் தூய்மையானது. இதை உணர்ந்து, நீங்களும் நிலையான,சத்தியமான மற்றும் தூய்மையானவர்கள்- நீங்கள் உடலல்ல என்பதை நினைவில் கொள்ளுங்கள்.