எப்போது தீ கொழுந்து விட்டு எரிந்து,அழிவை ஏற்படுத்துகிறதோ, அப்போது அதன் மீது மணலையும் தண்ணீரையும் கொட்டி அதை அணைக்க முயல்கிறீர்கள் அல்லவா? அநேக கட்டிடங்களில் இவற்றைத் தயாராக வைத்திருப்பார்கள்.உங்களுள் ஆறு தீக்கனல்கள் கொழுந்து விட்டு எரிந்து கொண்டிருப்பதை நீங்கள் அறிவீர்களா? அவையே காம, க்ரோத, மோஹ, லோப,மத மற்றும் மாத்ஸர்யங்கள். (ஆசை, கோபம், பற்றுதல்,பேராசை, கர்வம் மற்றும் பொறாமை). அவை எப்போது வேண்டுமானாலும் வெளி வரும். இவற்றை அணைப்பதற்கு நீங்கள் எதைத் தயாராக வைத்திருக்கிறீர்கள் ? எப்போதும் சத்யம், தர்மம், சாந்தி, ப்ரேமை மற்றும் அஹிம்ஸை ஆகியவற்றை அதிக அளவில் தயாராக வைத்திருங்கள். உங்களது அந்த ஆறு பகைவர்கள் எப்போது பற்றிக் கொண்டாலும், இந்த ஐந்து பண்புகளும் அவற்றைத் தணிக்க உதவும்;இவை சிறப்பாக பணியாற்றக்கூடிய அணைப்புக் கருவிகள்.