பேரிடர்கள் வரும் போது கலக்கமடையாது, அவைகளை இறை அருட்செயல்களாக எடுத்துக் கொள்ளுங்கள். ஒருவேளை ஒருவர் ஒரு விபத்தில் தனது கையை இழந்து விட்டார் என்றால்,இறைவனது அருளே அவரது அல்லது அவளது உயிரைக் காப்பாற்றி இருக்கிறார் என்ற நம்பிக்கை கொள்ள வேண்டும். இறைவனது ஸங்கல்பம் இன்றி எதுவும் நிகழாது என நீங்கள் நம்பிக்கை கொள்ளும்போது,உங்கள் வாழ்க்கையில் நிகழும் ஒவ்வொன்றிற்கும் அதனது தனி மதிப்பு உள்ளது என்பதைப் புரிந்து கொள்வீர்கள். உங்களது புழக்கடையில் இருக்கும் ஒரு கொடியை நீங்கள் உதாசீனப்படுத்தலாம்; ஆனால் வழியில் போகும் ஞானி ஒருவர் அது பாம்புக்கடியில் இருந்து காப்பாற்ற வல்ல அரிய மூலிகை என்று சொல்லி விட்டால், அதைச் சுற்றி ஒரு வேலி போட்டு, சிறுவர்கள் விளையாட்டுக்காகக் கூட அதன் இலைகளை பறிக்க விடாமல் காப்பாற்றுவீர்கள் அல்லவா? இறைவனே அனைத்திற்கும் காரணமானவனும்,அனைத்தின் மூலமும் என்பதைப் புரிந்து கொள்ளுங்கள்.இந்த அறிவுடன் ஒவ்வொருவருடனும் பணிவு மற்றும் மரியாதையுடன் நடந்து கொள்ளுங்கள். விரைவாக குறிக்கோளை நோக்கி உங்களை இட்டுச் செல்லும் பாதை இதுவே.