மகிழ்ச்சியானவற்றைச் செய்வது மிகவும் எளிது, ஆனால் பயனளிப்பவற்றில் ஈடுபடுவது கடினமானது என்பதை நினைவில் கொள்ளுங்கள். மகிழ்ச்சி அளிப்பவை எல்லாமே லாபகரமானதல்ல. ரோஜா மலர்கள் தூவப்பட்ட பாதையை விடுத்து, சம்மட்டி அடிகளும், கத்திக் குத்துகளும் நிறைந்த, ஆபத்தான பாதையை எதிர் கொள்ளுபவர்களுக்கே வெற்றி கிட்டும். உண்மையில் எந்தப் பாதையும் ரோஜாப் பூக்களாலான மலர்ப்படுக்கை அல்ல. வாழ்க்கை ஒரு போர்க்களமே- தர்மக்ஷேத்ரமே-அங்கு கடமைகளுக்கும் ஆசைகளுக்கும் எப்போதும் போராட்டம் தான்.உங்கள் இதயத்தில் கொழுந்து விட்டு எரியும் ஆசை,வெறுப்பு மற்றும் கோபத்தின் கனல்களைத் தணியுங்கள். அவைகளுக்குப் பணிவது வெறும் கோழைத்தனமே,ஏனெனில்,அவை உங்களை மிருகங்களாக ஆக்கி விடுகின்றன.