இறைவன் பால் கொண்ட அன்பு வெறித்தனமானதாகவும், பிற நாம , ரூபங்களின் மீது வெறுப்பு கொள்வதாகவும் தாழ்ந்து விடக் கூடாது. இக்கால கட்டத்தில், இத்தகைய புற்று நோய் பல உயர்ந்த மனிதர்களைக் கூடப் பாதித்து வருகிறது; இதை நீங்கள் தவிர்ப்பது நல்லது.இறைவனை மதித்து, பாவத்திற்கு அஞ்சும் அனைவரும் உங்களது சகோதர சகோதரிகள்,உங்களது நெருங்கிய உறவினர்கள் என்று நம்புங்கள். அவர்களது ஆடை, மொழி, தோலின் நிறம் அல்லது தெய்வத்தின் பால் மதிப்பு மற்றும் அச்சத்தை எடுத்துரைக்க அவர்கள் மேற்கொள்ளும் முறைகள் ஆகியவை ஒரு போதும் முக்கியமானவை அல்ல.சர்க்கரைப் பொம்மைகளுக்கு அவை உருவாக்கப் பட்ட சர்க்கரையினால் மதிப்பே அன்றி,அவைகளுக்கு அதைத் தயாரித்தவர் அளித்த யானை,நாய்,சிங்கம்,பூனை,எலி,கரடி என்ற எந்த உருவத்திற்காகவும் அல்ல.மனிதர்கள் சர்க்கரைப் பொம்மைகளை அவற்றின் இனிமைக்காக வாங்குகிறார்களே அன்றி அவற்றின் உருவங்களுக்காக அல்ல.அதைப் போலவே, மனிதர்கள் ஒரே இறைவன் பால் ஈர்க்கப் படுகின்றனர்,ஏனெனில் அவன் இனிமையானவும்,ஆனந்தம் அளிப்பவனும் ஆனதால்.