வேதங்கள், '' மாத்ரு தேவோ பவ '', அதாவது தாயைக் கடவுளாகப் போற்று என்று போதிக்கின்றன. நீங்கள்,உங்களை அன்பு,பாசம் மற்றும் தியாகத்துடன் வளர்த்த அன்னையை மதிக்க வேண்டும். எவ்வளவு புகழ் பெற்றவராக ஒருவர் இருந்தாலும், தனது தாயை மதிக்கவில்லை என்றால், அவர்கள் எந்த மரியாதைக்கும் தகுதி அற்றவராகி விடுவார்கள். தனது தாயின் வேண்டுகோள்களுக்கு இளகாத கடின இதயம் கொண்டவராக ஒருவர் இருந்தால் அவர் ஏளனத்திற்கு மட்டுமே தகுதியானவர்.இதே போன்ற அன்பு மற்றும் மரியாதை உணர்வு நீங்கள் பிறந்த நாட்டின் மீதும் இருக்க வேண்டும். நீங்கள் உங்களது தாய் நாட்டை உயர்ந்த மதிப்பில் வைத்து,அதனது கலாசாரத்தைப் பின்பற்ற வேண்டும். உங்களது தாய் மொழியையும் மதித்து அதை நன்றாகப் பயன்படுத்தக் கற்றுக் கொள்ள வேண்டும்.அதே சமயம் பிற மொழிகள் மற்றும் நாடுகளின் மீது வெறுப்பை வளர்த்துக் கொள்ளக் கூடாது. உங்களது தாயையும் , தாய்நாட்டையும் காத்து, அன்பு செலுத்தி,மதிக்கும் தகுதி படைத்த கருவிகளாக உங்களை ஆக்கிக் கொள்ளுங்கள்.