அனைவருடனும் அன்புடனும் இசைவுடனும் இருக்கும் சூழ்நிலையை வளர்த்துக் கொள்ளுங்கள்;நீங்கள் சந்தோஷத்தை எப்போதும் உறுதி செய்து கொள்ளலாம். மற்றவர்களிடமிருந்து தனித்து இருப்பதற்கான விவாதங்களைத் தேடாமல்,பொது நன்மைக்காக இணைந்து பாடுபடுவதற்கான வழிகளைத் தேடுங்கள்.'' நான்'','' எனது '' என்ற உணர்வுகள் அன்பையும்,கூட்டுறவையும் அழிக்கின்றன.இவற்றை மிகக் குறைத்துக் கொண்டு, தேவை உள்ளவர்களுக்கும்,துயருற்றவர்களுக்கும் சேவை செய்யத் தொடங்குங்கள். நற்குணங்களோடு கூடவே ,புத்தியையும் உடல் நலத்தையும் வளர்த்துக் கொள்ளுங்கள். மிகவும் நம்பகரமான வலிமையின் மூலாதாரம் பணமோ, உறவுகளோ, உடல் வலிமையோ அல்ல; அது நீங்களே அதாவது ஆத்மாவே. ஆழமாக மூழ்கி, அதிலிருந்து சக்தி பெறுங்கள்; அதையே அனைவரிடமும் கண்டு,அனைவருள்ளும் உள்ள அதற்கே சேவை செய்யுங்கள்.கட்டுப்பாடு மற்றொரு முக்கியமான குணம். ஒவ்வொரு தனி மனிதனும் தேசமும், மூர்க்கத்தனமான உணர்ச்சிகளையும் , மனக்கிளர்ச்சிகளையும் கட்டுப் படுத்தக் கற்றுக் கொள்ள வேண்டும்; அவைகளுக்கு அடிபணிவது அழிவையே தரும். ஒழுக்கம், சுயக் கட்டுப்பாடு,பிறருக்கு சேவை செய்யும் அவா- இவைகளை மிகவும் பலஹீனமானவர் கூட பயன்படுத்தி வாழ்க்கைப் போராட்டத்தில் வெற்றி பெறலாம்.