ஒருவரது உண்மையான நிலையை காணுவதே மோக்ஷத்தின் கதவுகளைத் திறப்பதாகும்; இதற்கு இதயம் என்ற கண்ணாடியின் பின் புறம் சத்யம்,தர்மம் என்ற இரண்டாலான ரசத்தைப் பூசித் தயார் செய்ய வேண்டும்.இல்லை என்றால் அதில் பிம்பம் தெரியாது. உங்களது ஒவ்வொரு செயலிலும் சத்யத்தையும் நீதியையும் கடைப் பிடித்தால் பின்னர் நீங்களே உங்கள் உண்மை நிலையைக் காண இயலும். கடந்த காலத்தின் செயல்கள் மற்றும் அவற்றின் தவிர்க்க இயலாத விளைவுகள் என்ற பாரத்தைச் சுமந்து தானே ஆக வேண்டும் என நீங்கள் கூறலாம்;ஆனால் இறைவனது அருள் இந்தச் சுமையை கணப் பொழுதில் எரித்து விடும்;ஒரு நொடியில் உங்களது உண்மை நிலையை உணர்வதே அந்தச் சுமையிலிருந்து உங்களைக் காத்து விடும். நீங்கள் உங்களை அனைவருள்ளும், அனைவரையும் உங்களுள்ளும் கண்டு விட்டீர்களானால், உங்களது உண்மை நிலை உங்களுக்குத் தெளிவாகி விடுகிறது.எனவே, என் பால் நீங்கள் கொண்டுள்ள அதே அன்பை அதே அளவிலும்,அதே தரத்திலும் அனைவரிடத்திலும் வளர்த்துக் கொள்ள வேண்டும்.