இந்த பிரபஞ்சத்தை எல்லாம் நிரப்பும் தெய்வீக காந்தியின் ஒரு பகுதியே நீங்கள் என்பதை உணர வேண்டும் என்ற உயரிய நோக்கத்திற்காக கொடுக்கப்பட்டுள்ள ஒரு கருவியே மனித உடல்.உங்களது புலன்களின் திறமைகள்,புத்தி மற்றும் ஞாபகசக்தி அனைத்தையையும் இந்த குறிக்கோளுக்காக பயன்படுத்துங்கள். உங்களை மாற்றிக் கொண்டு, உங்களது ஆசைகளை புடம் போட்டு உயர்த்துங்கள். கீழ்த்தரமான குறிக்கோள்களை, உயர்ந்த மற்றும் சீரிய நோக்கங்கள் வெல்லட்டும்.தன் முதுகில் ஏற்றியுள்ள சந்தனக் கட்டைகளின் பளுவைத் தவிர வேறொன்றும் அறியாது இருக்கும் கழுதையைப் போல ,உங்களது முதுகில் உள்ள அந்தச் சுமையின் நறுமணத்தை அறியாது, நீங்களும் இந்த உலகின் சுமைகளைத் தூக்கிக் கொண்டு இருக்கிறீர்கள். புலன்கள் உங்களை உயரிய நோக்கத்திலிருந்து விலக்கி இழுத்துச் செல்லும்,ஆனால் அவற்றை கடுமையான பயிற்சியின் மூலம் கண்டிப்பான கட்டுக்குள் வைத்திருங்கள். புலன்களின் மீது ஆதிக்கம் இல்லை என்றால்,எல்லாவித விரிவான சாஸ்திர வழிபாடுகள், மணிக்கணக்கான தியானம் மேலும் விரதங்கள் எந்தப் பலனையும் தர மாட்டா.