இறைவன் மனித குலத்தை உய்விப்பதற்காக அவதாரம் எடுக்கிறானே அன்றி தனக்காக அல்ல. மனித குலத்திற்கு அது தெய்வீகத்திலிருந்துதான் ஊற்றெடுத்தது என்பதைச் சொல்வதற்கும், அதை அன்பின் பாதையில் நடந்து திரும்ப அந்த தெய்வத்திடமே வர வேண்டும் என்று அறிவுறுத்துவதற்கும், அவன் இற(ர)ங்கி வருகிறான். அன்பின் மூலம் நீங்கள் எதை வேண்டுமானாலும் அடையலாம். அவதாரத்தினுடைய பணி மனித குலத்தை தெய்வீகப் பாதையில் இட்டுச் செல்வதே என்ற செய்தியைத் தான் இன்று புரிந்து கொள்ள வேண்டும்.ஒவ்வொரு மனிதனுமே இறைவனின் அவதாரமே. இறைத்தத்துவம் ஒவ்வொரு ஜீவராசியின் உள்ளும் உறைகிறது. ஒவ்வொரு கணமும் இறைவனது வருகையை குறிக்கிறது,ஏனெனில் மனிதர்கள் தொடர்ந்து பிறந்து கொண்டேதான் இருக்கிறார்கள். எனவே ஒவ்வொரு கணத்தையும் இறைவனப் பற்றிய சிந்தனையில் செலவிடுங்கள். இவ்வாறு நீங்கள் செய்தால்,கூடிய விரைவில் இறைவனை உணர்வீர்கள். மாயையிலிருந்து விடுபட்டு,தெய்வீகமாகி விடுவீர்கள். மனிதன் பிறந்ததே இறைவனது கருணையில் சங்கமம் ஆவதற்கே அன்றி, உலகியலான இன்பங்களில் திளைப்பதற்கல்ல. உங்கள் வாழ்க்கையை அன்பினால் நிரப்பி அதை அன்பால் பூரணத்துவம் பெறச் செய்யுங்கள்.