உங்களது கடமைகளைத் தெரிந்து கொண்டு அவற்றை உங்களது சக்திக்கு இயன்ற அளவில் சிறப்பாக,இடையறாது ஆற்றுங்கள்.உங்களது பெற்றோரை கனிவுடன் பேணி, உண்மையையே பேசி, ஒழுக்கத்துடன் நடந்து கொள்ளுங்கள்.நேரம் கிடைக்கும் போதெல்லாம் உங்களுக்குப் பிடித்த இறை உருவத்தை மனதில் கொண்டு, நாமஸ்மரணை செய்யுங்கள். ஒருபோதும் பிறரைப் பற்றி இழிவாகப் பேசாதீர்கள் அல்லது எவரிடமும் குறை காண முயலாதீர்கள். பிறருக்கு எந்த விதத்திலும் துன்பம் விளைவிக்காதீர்கள். தான் பிறந்த சேற்றின் மீதோ,தான் வளரும் தண்ணீரின் மீதோ பற்றின்றி இருக்கும் தாமரையைப் போல இருங்கள்.முந்தைய பிறவிகளில் ஈட்டிய பாவ , புண்ணியங்களே ஒருவர் பிறந்த இந்த சேறாகும்; உலகம் எனப்படும் கவர்ந்திழுக்கும் மாயையே அவரை பேணும் தண்ணீராகும். இந்தக் கவர்ச்சி உங்களைப் பாதிக்காதவாறு பார்த்துக் கொள்ளுங்கள். தாமரையைப் போன்று உலகப் பற்றுதல்களுக்கு மேலும் , அப்பாற்பட்டும் இருங்கள். நீங்கள் அதிலேயே இருந்தாலும், உலகப் பற்றுதல்கள் உங்களுக்குள் சென்று உங்களது பண்புகளை பாதிக்க அனுமதிக்காதீர்கள்.