இலக்கை அடைய வேண்டும் என்ற தடுக்க இயலாத தாபத்துடன், நீங்கள் ஆன்மீகப் பாதையில் செல்ல வேண்டும்; மோக்ஷம் பெற வேண்டும் என்ற ஆர்வத்தை வளர்த்துக் கொள்ள வேண்டும். தர்மம்(நல் வழி நடத்தல்) , அர்த்தம் ( செல்வம்) , காமம் ( ஆசை) மற்றும் மோக்ஷம் என்ற நான்கு தூண்களின் மீது கட்டப் பட்ட இல்லத்தில் நீங்கள் வசிக்க வேண்டும். அதாவது, செல்வத்தை தார்மீக வழிகளில் ஈட்ட வேண்டும்; மோக்ஷம் அடைய வேண்டும் என்ற ஒரே ஆசை மட்டுமே இருத்தல் வேண்டும். எவ்வளவு செல்வத்தை ஈட்டினாலும், வலிமையை வளர்த்துக் கொண்டாலும்,உங்களுள் உள்ள ஆனந்தம் என்ற ஊற்றின் குழாயைத் திறக்கவில்லை என்றால், நிரந்தரமான சாந்தியையும், திருப்தியையும் அடைய முடியாது. '' மானவ ''( மனிதன் ) என்ற பெயரின் அர்த்தமே இம்மியளவும் அறியாமை அற்றவன் என்பதாகும்.இந்தப் பெயருக்குத் தகுதி உள்ளவராக இருக்க வேண்டும் என்றால்,நல்ல உந்துதல்களால் ஊக்குவிக்கப் பட்ட இடையறாத பணிகளினால், அறியாமையை நீங்கள் கட்டாயம் அகற்ற வேண்டும்.