ஞானியுடைய பக்தி நேரடியான பக்தி ஏனெனில்,அவர் இறைவனை தனது சொந்த ஆத்மாவாகவே அறிந்து கொள்கிறார்; இந்த உயர்நிலை பல ஜன்மங்களில் சேர்த்து வைத்துள்ள புண்ணியத்தின் பலனாகும். இப்படிப் பட்ட நிலை ஒரு கணப்பொழுதில் வருவதில்லை;இது கடையில் தயார் செய்து வைக்கப் பட்டுள்ள, பணம் கொடுத்து வாங்கப் படக் கூடிய பொருளும் அல்ல. இது பல பிறவிகளாக சேர்த்து வைக்கப்பட்டுள்ள ஆன்மீக சாதனையின் பலனாகும்.இதைப் போலவே, இன்று ஒருவர் ஞானியின் நிலையை அடைந்துள்ளார் என்றால், அவர் எத்தனை ஆண்டுகளாக ஆன்மீக சாதனை செய்திருக்க வேண்டும் என்பதைக் கற்பனை செய்து பாருங்கள். இந்த குறிக்கோள் படிப்படியாக எட்டப் படுகிறது. எனவே சாதகர்களும் பக்தர்களும் எப்போதும் மிகுந்த கவனத்துடன் இருக்க வேண்டும்;விரும்பத்தகாத பழக்கங்களிலிருந்து விலகி இருக்க வேண்டும்; இறைவனது மேன்மையை தியானம் செய்வதிலும் ஒழுக்கத்தைக் கடைப்பிடிப்பதிலும் முன்னேற முயன்று, பேரானந்தத்தை அனுபவிப்பதிற்காக ஆர்வத்துடன் பெரு முயற்சி எடுக்க வேண்டும். இந்த ஆனந்தத்தை பின்னர் உலகனைத்துடன் பகிர்ந்து கொள்ள வேண்டும். இதுவே உலக அமைதியையும் உலக வளமையையும் ஆரம்பித்து வைக்கும்.