உங்கள் கடமைகைள் ஆற்றியே ஆக வேண்டும்: இதிலிருந்து பிறழுவது என்ற பேச்சுக்கே இடம் இல்லை. ஒவ்வொருவருக்கும் என்று,அவர்களது தகுதி,விருப்பம்,மனப்பாங்கு மற்றும் ஈட்டியுள்ள புண்யத்திற்கு ஏற்றவாறு குறிப்பிட்ட பணிகள் கொடுக்கப் பட்டு உள்ளன. அதை இதயத்தின் ஆழத்தில் இறைவன் மற்றும் பாவத்திற்கு அஞ்சி, ஆற்றுங்கள். துன்பத்தையும், துயரத்தையும் உங்களை வலிமை பொருந்திய சாதகனாக உருவாக்குவதற்கான சம்மட்டி அடிகளெனக் கருதி, அவற்றிற்கு வரவேற்பளியுங்கள். உள்ளார்ந்த திருப்தி, வெளிப்படையான வளமையை விட மிகவும் முக்கியமானது. ஆன்றோர்களின் அனுபவங்களான தர்மம் என்ற ஒழுக்க நெறி ,மனம் மற்றும் புலன்களைத் தடுத்து கட்டுப்படுத்தும் ஒழுங்கு முறையாகும். தர்மத்தின் நெறி முறைகள் மனித வாழ்க்கையை சீர் செய்து வழி நடத்தும் தடைப்பான்கள் போன்றவை. அவை ஒவ்வொன்றும், தங்களது தனி வழியில் நீங்கள் முன்னேறத் துணை புரிகின்றன. கர்மா மற்றும் தர்மத்தின் நேர் வழியில் இறைவனை நோக்கி பீடு நடை போடுங்கள். இதுவே உங்களது குறிக்கோளாகும்.