ஒரு உடலுக்கு இதயம் எவ்வாறோ, அவ்வாறு தான் ஒரு சமுதாயத்திற்கு இறைவனை வழிபடும் இடமும் (கோவில்,சர்ச்,மசூதி போன்றவை).பல தரப்பட்ட பண்டிகைகள் வழியாக இறைவனை வழிபடுவது,வழிபாட்டுத் தலங்களைக் கட்டுவது போன்றவை எல்லாம் நல்ல காரியங்களே ( ஸத் கர்மா). அவை சேவை ஆற்றுவதற்கான பயிற்சியைத் தந்து, தியாகம் செய்வதற்கும்,பற்றற்று இருப்பதற்கும் வாய்ப்புக்களை அளிக்கின்றன. ஆனால்,உணவிற்கும்,உறைவிடத்திற்கும் தவிக்கும் அழுகுரல் கேட்கும் போது, பணத்தை புதிய வழிபாட்டுத் தலங்களைக் கட்டுவதற்காகச் செலவிடக்கூடாது என்பதில் கவனமாக இருங்கள்;இதற்கு ஊக்கமளிக்கக் கூடாது. அதே இறைவன் தான் எங்கும் வழிபடப் படுகிறான்; நீங்கள் ஒவ்வொரு புதிய நாமத்திற்கும் ,ரூபத்திற்கும் கோவில் கட்டத் தேவை இல்லை. அனைத்து ரூபங்களிலும்,அனைத்து நாமங்களிலும் அதே இறைவனைக் காணுமாறு மக்களுக்குக் கூறுங்கள். இந்தப் பயிற்சிதான் அவர்களுக்குத் தேவை.