ஒவ்வொரு மனிதருள்ளும் காமம் ( ஆசை) , க்ரோதம் ( கோபம் ),லோபம் (பேராசை) என்ற தீய குணங்கள் உள்ளன. மாபெரும் காவியங்களான ராமாயணம்,பாகவதம் மற்றும் மஹாபாரதம் ஆகியவை இந்த எதிரிகளைக் கட்டுப் படுத்துவதற்கான நல்ல பாடங்களை போதிக்கின்றன. அறுபத்து நான்கு கலைகளிலும் தேர்ந்து,மிகச் சிறந்த அறிவாளியாகவும்,பேராற்றல் படைத்த வீரனாகவும் இருந்த ராவணன், காம வசப்பட்டதால் தானும் உயிர் இழந்து தனது குலமனைத்தும் அழிவதற்கும் காரணமாக இருந்தான். ராமாயணத்தை படித்தால் மட்டும் போதாது,அதன் உண்மையான முக்கியத்துவத்தைப் புரிந்து கொள்ள வேண்டும். மஹாபாரதத்தில் துரியோதனன், பேராசையின் வடிவமாகவே இருந்தான். ராஜ்யத்தை பாண்டவர்களுடன் பகிர்ந்து கொள்ள மறுத்து, அவர்களுக்கே உரித்தான பங்கை அளிப்பதையும் நிராகரித்தான். இந்த குணத்தின் காரணமாக, அவனும் தனது குலத்தார் அனைவரோடும் கூட அழிந்தான். இந்த உதாரணங்கள் காம,க்ரோத,லோப உணர்வுகளை நீக்க வேண்டியதன் அவசியத்தை எதிரொலிக்கின்றன. மனிதப் பண்புகளான சத்யம்,தர்மம்,சாந்தி, ப்ரேமை மற்றும் அஹிம்சை ஆகியவற்றைக் கடைப்பிடித்த காரணத்தால் பாண்டவர்கள் வெற்றி வாகை சூடினர். நீங்களும் இந்த குணங்களைக் கடைப்பிடித்தால் வெற்றி தானாகவே உங்களைத் தொடரும்.