" HINDU ", (ஹிந்து ) என்ற வார்த்தையில், '' H'' - Humility ( பணிவு ),'' I ''- Individuality ( தனித்தன்மை), '' N '' - Nationality ( தேசீய மனப்பாங்கு), '' D'' - Divinity ( தெய்வீகம் ), '' U ''-Unity (ஒற்றுமை), என்பவற்றைக் குறிக்கிறது. இந்த ஐந்தும் உண்மையில் நமது பஞ்ச பிராணன்களைப் போன்றவையே. எவ்வாறு நமது உடல் பஞ்ச பூதங்கள், ஐம்புலன்கள், ஐந்து கோசங்கள் எனப்படும் உள்ளுறைகள் ஆகியவையால் ஆனதோ, அவ்வாறே ஆன்மீகத்தின் சாரமே இந்த ஐந்து கோட்பாடுகளினால் ஆனதே. ஒற்றுமை மனப்பாங்கை வளர்த்துக் கொள்ளுங்கள். நீங்கள் ஒருபோதும் ஏதோ ஒரு மாநிலத்தையோ அல்லது நாட்டையோ மட்டும் தான் சார்ந்தவர் என்று எண்ணி அதனால் வித்தியாசங்களை தோற்றுவித்துக் கொள்ளாதீர்கள். உங்களை தனிமனித நோக்குடன் ( வ்யஷ்டி தத்வா) இணைத்துக் கொள்ளாது, சமூக நோக்குடன்( சமஷ்டி தத்வா) இணைத்துக் கொண்டு, ஒற்றுமையை வளர்த்துக் கொள்ளுங்கள். சத்யம்,தர்மம்,சாந்தி,ப்ரேமை மற்றும் அஹிம்சையை உங்கள் உயிர் மூச்சு எனக் கொண்டு, '' மானவ '' என்ற வார்த்தையின் புனிதத்துவத்தை நிலை நாட்டுங்கள். சின்ன விஷயங்களில் கூட வித்தியாசங்களுக்கு இடமளிக்காதீர்கள். வித்தியாசங்களை எழும்போது ஒருவரை ஒருவர் மன்னித்து விடத் தயாராக இருங்கள்.அனைவரும் இறைவனின் குழந்தைகளே; அனைவரும் சகோதர, சகோதரிகளே. இந்த உண்மையைப் புரிந்து கொண்டு அதன்படி நடந்து கொள்ளுங்கள்.