ஸ்ரீமத் பகவத் கீதையில் பகவான் ஸ்ரீகிருஷ்ணர் ஆணித்தரமாக அர்ஜூனனிடம் கூறுகிறார், ''பலர் இறைவனை தடையில்லாது வழிபட வேண்டும் என்ற தவிப்பால், அடர்ந்த கானகத்திற்கு செல்ல விரும்புகிறார்கள்; இது அறிவற்ற செயல். ஏதோ நான் அங்கு மட்டும் தான் இருக்கிறேன் என்று எண்ணி கானகத்தை நாட வேண்டிய அவசியமில்லை. நான் இல்லாத இடமே இல்லை; என்னுடையது இல்லை என்ற எந்த ரூபமும் கிடையாது. நிலம், நீர், நெருப்பு, காற்று மற்றும் ஆகாயம் என்ற பஞ்ச பூதங்களும் நானே. இந்த ஐந்தில் ஒன்றோ அல்லது மற்றதோ இல்லாத இடம் ஏது? கனல் பறக்கும் நெருப்பின் தன்மையும் நானே; வாழும் ஜூவராசிகளுக்குள் இருக்கும் ஜீவனும் நானே. வல்லவர்களுள் இருக்கும், பேராசை மற்றும் காமம் அற்ற வலிமையும் நானே. என்னையும் என் மகத்துவத்தையும் அனுபவிப்பதற்கு என்று ஒரு பிரத்யேகமான இடம் கிடையாது. ஏனெனில், அனைத்தும், எங்கும், எப்போதும் இருப்பவன், நானே''