தெய்வம் ஒன்றே;இந்த பிரபஞ்சத்தின் உண்மையான ஆதாரமும் அதுவே. பூமாலையில் இருக்கும் கயிறைப் போல,ஒரு அடுக்கு மாடிக் கட்டிடத்தின் அஸ்திவாரம் போல, தெய்வீகம் ஒவ்வொன்றையும்,ஒவ்வொருவரையும் ஊடுருவி, இணைத்து நிறுத்தி வைக்கிறது;இந்த பிரபஞ்சம் என்ற கட்டிடத்தின் அடித்தளமும் அதுவே.வெறும் பூக்களும்,கட்டிடங்களுமே உங்கள் கண்களுக்குத் தெரிகின்றனவே அன்றி,கயிறும் அஸ்திவாரமும் தெரிவதில்லை. நீங்கள் நேரமும் ,முயற்சியும் எடுத்துக் கொண்டு ஆராய்ந்து பார்த்தால் அன்றி, இவை உங்களது கவனத்திலிருந்து தப்பி விடுகின்றன. அதனால் அவை இல்லை என்று ஆகி விடாது !ஒரு போதும் வைக்கப் பட்டுள்ளவை, நிலை நிறுத்தப் பட்டுள்ளவை ( ஆதேயம் )ஆகியவற்றை மட்டும் வைத்துக் கொண்டு, அடிப்படையானவை, பாத்திரம் ( ஆதாரம் ) ஆகியவை இல்லை என்று தவறாக எண்ணி விடாதீர்கள். கண்களால் காணக் கூடியவற்றிற்கு, கண்களுக்குப் புலப்படாதவையே ஆதாரம். கண்களுக்குப் புலப்படாதவற்றைப் பரிந்து கொள்வதற்கு, ஆராய்ச்சியே சிறந்த வழி, அனுபவமே சரியான சான்று. அனுபவத்தில் உணர்ந்தவர்களுக்கு, எந்த விதமான விளக்கமும் தேவை இல்லை.